AJ A.J. HÓPFERÐIR EHF FERÐASKRIFSTOFA HÓPFERÐIR SÉRFERÐIR JÓN SIGURBRANDUR KNÚTSSON

AÐALSÍÐA
AJ HÓPFERÐIR - AJ EHF

Nr. 1. Lagt fram í Héraðsdómi Reykjavíkur 23. október 2007

STEFNA

Friðrik Haraldsson,
kt. 240746-2209,
Hverafold 48,
112 Reykjavík.

Gerir kunnugt: Að hann þurfi að höfða mál á hendur A.J. ehf., kt. 600397-2499, Austurbrún 23, 105 Reykjavík til greiðslu reikninga vegna vinnuframlags stefnanda.

Málflutningsumboð: Stefnandi sjálfur.

Dómkröfur: Stefnandi gerir eftirfarandi dómkröfur: Að stefnda verði gert að greiða skuld sína við stefnanda kr. 324.043,- ásamt dráttarvöxtum frá 10. ágúst 2007 til greiðsludags skv. III. kafla laga um vexti og verðtryggingu nr. 38/2001. Að auki er krafist málskostnaðar að álitum dómsins í samræmi við XXI kafla laga nr. 91/1991 um meðferð einkamála, sem beri vexti samkvæmt framangreindum lagaákvæðum.

Málavextir og málsástæður: Stefnandi vann fyrir AJ ehf við ökuleiðsögu í rútu þess dagana 2. til 10. júlí 2007. Munnlegt samkomulag varð um að stefnandi tæki að sér ökuleiðsögu fyrir A,J, ehf., sem þau vantaði í þessa ákveðnu ferð samkvæmt beiðni Auðar Kristmundsdóttur hjá A,J, ehf þar um. Ekki var samið um kjör. Vegna ferðarinnar gaf stefnandi út reikning nr. 23 strax að lokinni ferð hinn 10. júlí 2007, samtals kr. 324.043,- þar af er útlagður kostnaður kr. 18.823.-. Við bætist kostnaður vegna innheimtu kr. 425,-. Gjalddagi reikningsins er útgáfudagur, 11. júlí 2007, Sbr. 49. gr. laga nr. 50/2000 um lausafjárkaup. Reikningurinn byggist á samningi Félags leiðsögumanna og Samtaka atvinnulífsins frá 2005 (gildir til 31. desember 2007) um kjör leiðsögumanna. Innheimta hefur verið reynd og krafan viðurkennd í tölvupósti dags. 16. ágúst 2007 og 2. og 3. október 2007. Ítrekun um reikning og eindaga var send í ábyrgðarpósti dags. 10. september 2007 og hefur henni ekki verið sinnt.

Lagarök: Stefnandi byggir kröfur sínar á meginreglu íslensks kröfuréttar um rétt sinn á því að fá efndir kröfu sinnar að fullu sem fær m.a. stoð í VI. og VII. kafla núgildandi laga nr. 50/2000 um lausafjárkaup. Um gjalddaga kröfunnar vísast til meginreglu 49. gr. sömu laga. Meginreglu samningaréttarins um að samninga og aðra löggerninga skuli halda/efna sbr. Lög nr.7/1936 um samningsgerð, umboð og ógilda löggerninga og sbr. Lög nr. 80/1938 um stéttafélög og vinnudeilur, 3. 5. og 6. gr.

Krafa um vexti og dráttarvexti skv. III kafla laga um vexti og verðtryggingu nr. 38/2001. Krafa um málskostnað er gerð í samræmi við XXI kafla laga nr. 91/1991 um meðferð einkamála.

Framlögð skjöl og skýrslur: Við þingfestingu mun stefnandi leggja fram reikning nr. 23 dags. 11. júlí 2007 ferðalýsingu, farþegalista, tölvupóst dags. 16. september og 2. og 3. október 2007 vegna innheimtutilrauna og tilkynningu vegna eindaga reiknings, dagsetta 10. september 2007.

Áskilnaður er um framlagningu frekari gagna gefi málatilbúnaður og andmæli stefnda tilefni til. sem og að leiða vitni fyrir dóminn.

Fyrirkall: Fyrir því stefnist hér með Auði Kristmundsdóttur, kt. 260551-3619, lögheimili: Austurbrún 23, 104 Reykjavík, sem framkvæmdastjóra og stjórnarformanni A.J. ehf., kt. 600397-2499, Austurbrún 23, 104 Reykjavík, til þess að mæta fyrir hönd A.J. ehf. Þá stefnist Jóni Sigurbrandi Knútssyni, kt. 230757-4969, stjórnarmanni og Margréti Magnúsdóttur, kt 150774-3069, Austurbrún 23, varamanni stjórnar, á dómþing Héraðsdóms Reykjavíkur, sem háð verður í dómshúsinu v/ Lækjartorg (Austurstræti 19 101 Reykjavík) dómsal 102, hinn 23. október 2007 kl. 10:00, er mál þetta verður þingfest, til þess þar og þá, ef ekki verður sátt í málinu, að sjá skilríki í dóm lögð á dómkröfur og sókn sakar að hlýða, til saka að svara, á réttarkröfur hlýða og leggja fram gögn af sinni hálfu. Ef ekki verður mætt af hálfu stefndu við þingfestingu málsins má búast við að útivistardómur gangi í málinu.

Stefnufrestur er 7 sólarhringar.
Reykjavík 9. október 2007.
Friðrik Haraldsson