Færeyjar Straumey,
[Flag of the Faroe Islands]


STRAUMEY
FÆREYJAR

.

.

Utanríkisrnt.


Vestmanna

Straumey er stærst Færeyja og þéttbyggðust.  Þar er höfuðborgin Þórshöfn nálægt suðurenda hennar.  Straumey er tengd Austurey með bílabrú en bæirnir Tóftir og Strendur eru tengdir með bílaferjum.  Þessar tvær eyjar eru taldar vera meginland Færeyja.  Í höfuðborginni er veitt þjónusta, sem er talsvert meiri en í borgum af sömu stærð annars staðar.

Kirkjubær er þorp við miðaldarrústirnar af kirkju heilags Magnúsar.  Þar er menningar- og trúarleg miðstöð eyjanna 13 km suðvestan Þórshafnar.  Meðal fjölda sögulegra minja þar er miðaldarbær, sem er velviðhaldið og hýsir safn.

Norðan Þórshafnar, meðfram Kaldbaksfirði, eru tvö þorp, Hvítanes að sunnanverðu og Kaldbakur að norðanverðu.  Talsverð fiskirækt er í firðinum.

Nokkrir góðir veiðistaðir eru á Straumey.  Hinir vinsælustu eru Leynivatn á miðri eyjunni og Saksunarvatn á henni norðvestanverði.  Í Saksun er gamall bær, Dúfugarðar, sem er safn.  Þorpið sjálft er u.þ.b. 50 ofan sjávarmáls og neðan hans er strönd við mjóan fjörð, þar sem er verulegur munur flóðs og fjöru.  Í útfiri er hægt að finna margs konar sjávardýr í fjörunni.

Trönuvík er þorp á norðurströnd Straumeyjar.  Þar eru minjar um fyrsta landnám á þessum slóðum.  Vel sést til klettadranganna Kerlingar og Karls á norðurströndinni frá ströndinni í Trönuvík.

Í kringum Vestmanna eru stíflur og uppistöðulón þriggja vatnsorkuvera, sem sjá meirihluta Færeyinga fyrir rafmagni.  Þar er að finna einhverja áhugaverðustu ferðamannastaði eyjanna, fuglabjörgin og hellana.

Vestmanna er vinabær Ólafvíkur


.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM