Afghanistan er land í suðvestur Asíu, sem liggur að Turkmenistan, Uzbekistan og Tajikistan í norðri, Kína, Jammu og Kashmir og Pakistan í austri, Pakistan í suðri og Íran í vestri.  Landið er nokkurn veginn sporbaugslaga, lengd þess frá suðvestri til norðausturs er u.þ.b. 1450 km og u.þ.b. 725 km breitt um miðjuna.  Heildarflatarmálið er 647.500 km² og höfuðborgin er Kabul.  Landið er að mestu fjöllótt, u.þ.b. 75% þess eru hálendi.  Helztu láglendissvæðin eru nokkrir árdalir í norðurhlutanum og nokkur eyðimerkursvæði í suður- og suðvesturhlutunum.  Aðalfjallgarðurinn er Hindu Kush, sem teygist 965 km leið frá Pamírfjöllum í norðaustri að landamærum Írans í vestri.

Meðahæð þessa fjallgarðs er u.þ.b. 4270 m og nokkrir tindar fara yfir 7600 m.  Víða í fjalllendi landsins eru skörð, sem létta ferðir innanlands og til nágrannalanda.  Shibar-skarðið í Hindu Kush er hið eina, sem er lægra en 3000m en það munar ekki nema þremur metrum.  Það tengir Kabulsvæðið við norðurhluta landsins.  Kunnasta fjallaskarðið er líllega Khyber-skarðið í Sulaiman-fjöllum á norðausturlandamærunum, sem tengir landið við Pakistan.
.