Mers el-Kabir er borg í norðausturhluta Alsír við vestanverðan botn Oranflóa.  Borgin var Almohad-vopnabúr flotans á 12. öld.  Hún var undir stjórn Tlemcen á 15. öld og Korsíkumanna 1492.  Síðar lögðu Spánverja, Portúgalar og Tyrkir hana undir sig þar til Frakkar náðu henni 1830 og gerðu hana að mikilli flotastöð á árunum 1939-56.  Nafnið þýðir Stórahöfn.  Árið 1940 lá mestur hluti franska flotans við akkeri í höfninni, þegar brezk flotadeild kom og sökkti og laskaði flest skipin til að þau kæmust ekki í hendur Þjóðverja.  Samkvæmt Evian-samningnum um sjálfstæði Alsír árið 1962 máttu Frakkar nýta höfnina næstu 15 árin en þeir létu Alsíringum hana eftir árið 1968.  Mers el-Kebir er við rætur Santonfjalls, sem teygist áfram út á Mers el-Kebir-höfða.  Áætlaður íbúafjöldi árið 1987 var rúmlega 11 þúsund.