Porto-Novo, fyrrum Dahomey, er höfuðborg Benin við Guineaflóa í Vestur-Afríku.  Hún stendur við lón allrasyðst í landinu og var líklega stofnuð síðla á 16. öld sem höfuðborg konungsríkisins Porto-Novo og dafnaði aðallega vegna þrælasölu Portúgala.  Þarna sjást enn þá rústir nokkurra halla og enn standa mörg nýlenduhús eins og gamla, portúgalska dómkirkjan.  Stjórn landsins hefur aðsetur í borginni og stjórnsýslubyggingar eins og skjalasafnið og landsbókasafnið eru þar.  Borgin er í vega- og járnbrautarsambandi við aðaliðnaðarborgina Cotonou og Lagos í Níegeríu.  Hún hefur ekki þróast sem skyldi sem miðstöð iðnaðar og viðskipta vegna betri samgangna við Coonou og góðra hafnarskilyrða þar.  Áætlaður íbúafjöldi árið 1982 var rúmlega 208 þúsund.