|
Abydos
er í Efra-Egyptalandi, rúmlega 150 km frá Luxor á vesturbakka Nílar.
Á milli þorpanna El-Kirba og El-Araba el-Madfuna eru rústir
Abydoshofsins (hét Abodu á fornegypzku), sem telst til elztu grafsvæða
Egyptalands og notað var fyrir fyrstu höfuðborg landsins, Thinis
(This), allt frá dögum 1. og 2. höfðingjaættarinnar (ca 3000
f.Kr.). Hér voru faraóarnir
lagðir til hinztu hvíldar með öllum helgisiðum og nýir knýndir.
Helgisiðirnir fólust í forgengileika og endurkomu alls
veraldlegs.
Dauðaguðinn,
Kont-öamenti, sem var í hundslíki, var dýrkaður í borginni og á
grafsvæðinu. Þegar á tímum
gamla ríkisins var tekin upp dýrkun Osiris, sem átti uppruna sinn í
óshólmunum, og var gyðjunni helgað gamla hofið til jafns við
Kont-amenti. Gröf osiris
var sögð vera í hólnum Umm el Gasb og allt frá dögum 6. ættarinnar
létu menn grafa sig í Abydos. Tækist
mönnum ekki að komast sem pílagrímar þangað eða að fá grafreit
þar, var farið með smurninga þeirra þangað áður en þeim var
komið fyrir í grafhýsum. Osiris
var guð undirheima eftir að Seth hafði komið honum fyrir kattarnef.
Ísis leitaði hans og fann líkama hans rekinn í Níl, því að
Seth hafði troðið honum í kistu og fleygt henni í ána.
Seth tók lík Osiris og reif það í 12 búta, sem hann dreifði
vítt og breitt. Isis fann
þá aftur og vafði þá saman og varð þunguð af þess völdum.
Sonurinn Horus óx úr grasi og drap Seth.
**Sethoshofið:
Sethos
I lét hefja byggingu þess og Ramses II, sonur hans og eftirmaður, lét
ljúka verkinu. Auguste
Mariette (1821-81), franskur Egyptalandsfræðingur, annaðist uppgröft
hofsins árið 1859 og rannsókn þess.
Í hofinu eru 7 kapellur, sem helgaðar eru Osiris, Isis, Horus,
Ptah, Re-Harakte, Amun og hinum guðlega konungi Sethos.
Athyglisverðar eru lágmyndir frá dögum Sethos I.
Þær teljast með því bezta, sem egypzk höggmyndalist hefur
fram að færa.
Norðvestan
hofs Ramses II eru rústir Sunet-el-Sebib, 133 m langar frá tímum 2.
ættar. Hugsanlega eru þetta
rústir hal lar.
Nokkurra
mínútna gang þaðan í norðaustur eru rústir hinnar fornu borgar
Abydos. Nálega 20 mínútna
gang suðvestur frá Ramseshofinu er Umm El-Gaab hóllinn. |
