Yamoussoukro er stjórnsýslusetur Fílabeinsstrandarinnar, 274 km norðvestan raunverulegrar höfuðborgar landsins, Abidjan.  Yamoussoukro var höfuðborg landsins í rúmlega þrjá áratugi eftir að það fékk sjálfstæði árið 1960 vegna þess, að hún var fæðingarstaður, bústaður og óopinber starfsvettvangur forsetans Pélix Houphouët-Boigny (1960-93).  Þarna var samkomustaður eina stjórnmálaflokks landsins, Lýðræðisflokksins.  Yamoussoukro varð mikilvæg borg vegna aðgerða forsetans fyrrnefnda í tengslum við vegabætur og félagslega þjónustu.  Efnahagur hennar byggist að verulegu leyti á fiskveiðum og vinnslu, timburvinnslu og framleiðslu ilmvatna.  Meðal áhugaverðra staða er dómkirkjan, stór moska, aðrar kirkjur og miðskólar.  Áætlaður íbúafjöldi 1984 var 120 þúsund.