Bissau er hafnarborg og höfuðstaður Gíneu-Bissau.  Portúgalar reistu sér virki og verzlunarstað með þræla þar árið 1687.  Árið 1941 tók Bissau við höfuðborgarhlutverkinu af Bolama og hefur síðan stækkað til norðvesturs og suðausturs meðfram Gêba-skipaskurðinum, sem var grafinn fyrir djúpskreið og stór skip.  Miklar umbætur voru gerðar á hafnaraðstöðunni samhliða og síðari hafnarbætur lágu m.a. í stækkun hafnarinnar og byggingu frystihúsa.  Í borginni er lítill háskóli og rannsóknarstofur og skammt utan hennar er millilandaflugvöllur.  Áætlaður íbúafjöldi árið 1979 var rúmlega 105 þúsund.