Garoua er borg í Norðaustur-Kamerún.  Hún er á hægri bakka Benue-árinnar, norðnorðaustan Yaoundé, höfuðborgar landsins.  Um hana liggja vegamót milli Maroua og Ngaoundéré og Benue-skipaskurðurinn og hún er aðalviðskiptamiðstöð héraðsins.  Modibbo Adama, emír fulanimanna, sem stofnaði konungsríki Adamawa á fyrri hluta 19. aldar, stofnaði borgina.  Hún þróaðist sem hafnarborg við ána.  Fljótabátar og prammar flytja eldsneyti og sement til Garoua og halda áfram þaðan með húðir, feldi, baðmull og jarðhnetur 1900 km leið niður Benue-ána til Burutu í Nígeríu á stuttum siglingatímanum í ágúst og september.  Landflutningar hafa að hluta komið í stað flutninga á ánni eftir lagningu járnbrautarinnar til Douala á Atlantshafsströndinni.  Vefnaðarverksmiðjur borgarinnar fá hráefni af baðmullarökrunum umhverfis borgina og nóg er að gera við fræhreinsun úr baðmullinni og litun og í spunaverksmiðjum.  Talsvert er um leðurvinnslu, fiskveiðar og ferðaþjónustu tengda Faro-, Bénoué- og Bouba Ndjida-villidýrasvæðunum í grenndinni.  Í borginni er sjúkrahús, tollstöð, nokkrir bankar og tryggingafyrirtæki og millilandaflugvöllur skamm utan hennar.  Áætlaður íbúafjöldi árið 1985 var rúmlega 96 þúsund.