Nouakchott, höfuðborg Máritaníu, er á hásléttu nærri Atlantshafsströnd Vestur-Afríku, u.þ.b. 435 km norðnorðaustan Dakar í Senegal.  Þarna var upprunalega smáþorp á eyðimerkurleiðinni norðan Dakar, sem stækkaði og þróaðist eftir að landið fékk sjálfstæði 1960, og varð höfuðborg landsins.  Hirðingjar frá þurrkasvæðum Sahara á áttunda áratugi 20. aldar flykktust til Nouakchott og settust þar að, þannig að vöxtur borgarinnar var mikill á þessum tíma og jafnframt fækkaði hirðingjum í landinu mjög.  Miðja borgarinnar er torgið Place de l’Indépendence.  Í útjaðri hennar eru iðnaðarsvæði og flugvöllur.  Iðnaðarsvæðið er við norður-suður þjóðveginn, sem tengir fremur þéttbýl landbúnaðarhéruð í suðri við strjálbýlli námuhéruð í norðri.  Átta kílómetrum vestan borgarinnar var byggð höfn til útflutnings olíu og kopars.  Koparnámurnar eru nærri Akjouit, 195 km norðaustan Nouakchott.  Athafnalífið við höfnina hefur stöðugt aukizt.  Háskóli borgarinnar var stofnaður 1981.  Áætlaður íbúafjöldi árið 1987 var 600 þúsund.