Simo hefur langa reynslu af ferðum með ferðamenn. Hann talar góða ensku, frönsku, hollensku, arabísku og berbísku gefur góðar leiðbeiningar um staði, verslanir, verð og fleira. Svo er hann klár og hefur húmor. Hann getur útvegað gistingu í fjölbreyttum gæða- og verðflokkum, en einnig sækir hann gjarnan og skilar ferðamönnum á hótel þeirra sé þess óskað. Hann býður upp á ferðir, sem eru persónulegri en almennt er boðið upp á.  Þær eru ögn dýrari, en mun meira gefandi en típískar "skutlferðir með ljósmynda- og verslunarstoppum". Hann getur samt útvegað slíkar ferðir með samstarfsaðilum sínum.

Ferðirnar eru gjarnan gerðar út frá Marrakech: Eyðimerkurútilega á bíl og kameldýri, Ourika Valley og aðrir staðir í Atlasfjöllum, Essaouira og aðrir bæir á vesturströndinni. Einnig má koma með sérstakar óskir varðandi aðra staði og / eða lengri ferðir.

Einstaklingar: Simo býður upp á 2-3 daga ferðir fyrir allt að 4 farþega. Um persónulegar ferðir er að ræða. Farið á fólksbíl og stoppað þar sem gestur óskar og eins lengi og hann vill. Gisting við einfaldar en þó öruggar aðstæður svo sem tjöld eða herbergi í þorpum en sé ósk um annað má alltaf ræða það. Máltíðir geta verið innifaldar sé þess óskað og fara þá fram á veitingastöðum eða heimatilbúið, hann er góður kokkur.

Litlir hópar: Möguleiki á að skipuleggja ferðir á stærri bíl samkvæmt eftirspurn og þá e.t.v. í samstarfi við samstarfsaðila.

Fjölskylda Simo rekur lítið, ódýrt gistiheimili - Hotel Dar Youssef  - sem er í Medina, alveg við Djemma El Fna í Marrakech. Það er einfalt en snyrtilegt og nóttin kostar 1300-2000 krónur fyrir 2-3ja manna herbergi, hægt er að fá herbergi með eða án snyrtingu. Hann er einnig með sambönd við mjög fínt Riad (gistisvítur) fyrir kröfuharðari ferðamenn. Nóttin í svítu kostar um 7000 kr. Simo getur séð um bókanir.

Mohammed Sendassi (kallaður Simo)
Sími: 00 212 (0*) 6493 8872   *Þegar hringt er frá Íslandi er núlli sleppt . (ódýrara ef hringt er 1100 fyrst í stað 00)
Tölvupóstur:  jaaba.simo@caramail.com - simothesimo@hotmail.fr