Kigali, höfuðborg Rwanda, er í miðju landi við Ruganwaána.  Hún varð miðstöð verzlunar eftir 1895 á nýlendutíma Þjóðverja og eftir að Belgar tóku við varð hún héraðshöfuðborg (1919-62).  Landið fékk sjálfstæði 1962.  Borgin stendur á fjórum hæðum og þar er múslimahverfi.  Norðaustan hennar er fátækrahverfi og suðaustantil er iðnaðarhverfi (skófatnaður, málning, útvarpstæki og litun).  Fyrirtæki, sem stunda tinnám, eru í borginni.  Vegakerfið er að hluta með slitlagi og tengir hana við alla staði á leiðum til allra landamæra landsins.  Í borginni er tækniháskóli og utan hennar er millilandaflugvöllur.  Áætlaður íbúafjöldi 1991 var 233 þúsund.