Drakensbergfjöll eru líka kölluð Quathlamba.  Þau standa meðfram suðausturströnd Afríku, að mestu í Suður-Afríku.  Þau eru u.þ.b. 1125 km löng milli Mpumalanga og Austurhöfða og mynda hluta landamæranna milli Lesotho og Free State.  Þau eru hæsti hluti austurjaðars sléttna Suður-Afríku.  Meðal tinda þeirra eru Thabana Ntlenyana (3482m) í grennd við Royal Natal þjóðgarðinn.  Járnbrautir liggja um fjöllin á tveimur stöðum, um Van Reenen-skarð (1646m) og Laingsnek (1250m).