Springs er borg í Gatenghéraði á klettadrögum Witwatersrand í grennd við Jóhannesarborg.  Borgarsvæðið nær yfir tvö iðnaðarsvæði og nokkur íbúðahverfi.  Þarna er miðstöð gullnámanna við austurjaðar Witwatersrand, stáliðnaður, vinnsla úraníums, framleiðsla véla og búnaðar til námuvinnslu og prentunar, raftækja, matvæla, reiðhjóla, pappírs og glers.

Borgin státar af nokkrum mikilvægurm menntastofnunum, s.s. Witwatersrand Technikon, sem er skóli fyrir námuverkamenn.  Þarna er líka gott borgarleikhús, Pam Brink-íþróttaleikvangurinn og önnur íþróttamannvirki.  Eisteddfod-hátíðin er árlegur viðburður.  Á árunum 1880-90 var þarna byggð námumanna, sem nýttu sér kolanámurnar í nágrenninu.  Springs fékk borgarheiti 1903.  Áætlaður íbúafjóli 1991 var 73 þúsund.