Uitenhage er borg í Austurhéraði nærri Indlandshafi og Elísabetarhöfn.  J.A. Uitenhage de Mist stofnaði byggðina 1804.  Hann var hollenzkur embættismaður, sem var sendur til Höfðanýlendu á vegum Batavíska lýðveldisins.  Í borginni er fjöldi 19. aldar bygginga, s.s. Drostdy (1815), Ráðhúsið (1882; stækkað 1952) og Dómshúsið (1898).

Uitenhage er iðnaðarborg með verksmiðjum, sem setja saman bíla, járnbrautaverkstæðum, vefnaðariðnaði, hjólbarðaverksmiðjum o.fl.  Borgin er líka miðstöð talsverðs landbúnaðar í nágrenninu, aðallega sauðfjár- og geitaræktar.  Áætlaður íbúafjöldi 1985 var 55 þúsund.