São Tomé er höfuðborg eyríkisins São Tomé og Principe í Vestur-Afríku á norðausturströnd São Tomé-eyjar í Atlantshafi.  Hún er aðalhafnarborgin og um hana er mikið flutt út af kakói, þurrkuðum kókoskjörnum og banönum.  Í borginni er svolítið framleitt af sápu, drykkjarvörum og flísum.  Skammt utan borgarinnar er millilandaflugvöllur.  Áætlaður íbúafjöldi 1984 var 35 þúsund.