Victoria, höfuð- og aðalhafnarborg lýðveldisins Scheychelleseyjar fyrir ströndum Austur-Afríku í Indlandshafi, er á norðausturströnd Mahé-eyjar innan ramma þriggja lágra fjalla.  Um hana fara ýmsar útflutningsvörur, s.s. kókoskjarnar, kanelbörkur og fiskafurðir.  Borgin er líka miðstöð ört vaxandi ferðaþjónustu.  Flugvöllurinn, skammt utan borgarinnar og hinn eini í landinu, var opnaður árið 1971.  Höfnin er nógu djúp fyrir stór hafskip.  Áætlaður íbúafjöldi 1985 var 23 þúsund.