Þessi slétta er líka kölluð Jeffara, Djeffara eða Gefara.  Hún er á strönd Miðjarðarhafsins norðvestast í Líbýu og suðautanverðu Túnis.  Hún er eins og hálfhringur í lögun og nær frá Qabis í Túnis og endar u.þ.b. 20 km austan Tripoli í Líbýu.  Hún teygist u.þ.b. 130 km inn í landið og er u.þ.b. 37.000 km² að flatarmáli.  Hún skiptist nokkurn veginn til helminga milli landanna.

Sléttan hækkar til suðurs frá Miðjarðarhafinu upp að Saharaeyðimörkinni í þremur þrepum.  Nyrzti hlutinn er mjó sandströnd með saltsvæðum og tjörnum á regntímanum.  Sunnar tekur við öldótt landslag með steppugróðri í 50-200 m.y.s.  Syðsti hlutinn er við rætur Sahara, kallaður Nafusah-sléttan í Líbýu.  Í Túnis teygist langur angi þessar sléttu frá norðri til suðurs og myndar vesturlandamæri strandsléttunnar (az-Zahr eða Dahar).  Úrkoman á mestum hluta þessa svæðis er 125-250 mm á ári nema næst Miðjarðarhafinu í grennd við Tripoli, 380 mm.

Á ströndinni eru margir pálmalundir og þar er nokkuð um ávaxta- og kornrækt.  Miðsvæðið, þar sem grunnvatnsborðið er mun dýpra, er eingöngu nýtt til beitar (geittur og sauðfé).  Þegar komi er upp í u.þ.b. 300 m.y.s., tekur við eyðimörk með dreifðum vinjum, sem er greinilega aðskilin frá Sahara.