La Plata er höfuðborg Buenos Aires-fylkis á vesturbakka ármynnis Río de la Plata ófjarri höfuðborg landsins.  Borgin er nútímaleg og velskipulögð á u.þ.b. 5 km² svæði með breiðum og beinum breiðgötum og fjölda torga og skemmtigarða.  Hún er einkum stjórnsýslumiðstöð og háskólaborg (1905).  Bæði vega- og járnbrautarsamband er gott og hafskipahöfnin í Ensenada er mjög góð.  Meðal atvinnuvega í borginni er olíuhreinsun, kjötpökkun, hveitimölun og framleiðsla vefnaðarvöru og véla.

Katólski háskólinn var stofnaður 1968 og Lögfræðiháskólinn 1965.  Í náttúrufræðisafni borgarinnar er heimsfrægt fornfræðisafn.  La Plata var stofnuð sem fylkishöfðuborg árið 1882, þegar fyrrum höfuðborg, Buenos Aires, varð að höfuðborg alls landsins.  Áætlaður íbúafjöldi árið 1990 var 650 þúsund.