Mar del Plata er nútímaborg (1874) í Buenos Aires-fylki við Atlantshafsströndina við Corrientes-höfða.  Hún er vinsælasti strandbaðstaður landsins og er kunn fyrir fallegar og góðar Strendur, skemmtigarða og einhverju stærsta spilavíti í heimi.  Fjöldi folks kemur þangað frá Buenos Aires miðsumars (janúar-febrúar) til að kæla sig svolítið niður og synda í krystaltærum sjónum, sem er í hrópandi andstöðu við kolmórautt mynni árinnar Río de la Plata.

Mar del Plata er mikil verzlunarborg, miðstöð fiskveiða og fiskvinnslu og sjóstangaveiði.  Sælgætisframleiðsla er mikil.  Gestir borgarinnar kíkja gjarnan á San Pedro dómkirkjuna, lystigarðinn og borgarsafnið og fara í Colónleikhúsið.  Háskóli borgarinnar var stofnaður 1961.  Sjóherinn hefur bækistöð í borginni.  Áætlaður íbúafjöldi árið 1990 var 530 þúsund.