Ferðaleiðir til landsins
Flugleiðin:  Það er aðeins einn alþjóðlegur flugvöllur í landinu, Katunayake, 25 km norðan Colombo.  Air Lanka annast millilandaflug, oft með millilendingum, milli Katunayake og Amsterdam, Kaupamannahafnar, Frankfurt, Genf, London, París, Vín og Zürich.

Sjóleiðin:  Höfnin í Colombo er stærst og mikilvægust í Sri Lanka.  Engin farþegaskip sigla reglulega til landsins, en fjöldi fragtskipa, sem taka líka farþega.  Fjöldi skemmtiferðaskipa kemur til Colombo.  Indverska útgerðin 'The Shipping Corporation of India' (Shipping House, 245 Madame Cama Road, Bombay 400021, Indlandi.  Sími:  2 02 66 66) annaðist reglulegar siglingar með járnbrautar- og bílaferjum milli Rameswaram á Indlansströnd og Talaimannar á norðvesturströnd Sri Lanka.  Þessar siglingar tók af árið 1984 vegna hryðjuverka tamíla og hafa ekki verið teknar upp að nýju (1994).  Ferjurnar sigldu þrisvar sinnum í viku fram og til baka.  Frá nóvember til janúar voru engar siglingar vegna slæmra veðurskilyrða.  Siglingin hvora leið tekur 3 klst.

Ferðaleiðir innanlands
Allar skipulagðar ferðir með ferðamenn til austurstrandarinnar og norðurhlutans liggja niðri vegna hryðjuverka öfgamanna tamíla!

Flugleiðis:  Upali Airlines flýgur venjulega daglega milli Ratmalana-flugvallar við Colombo og Jaffna í norðurhlutanum (Bókanir:  34 Galle Road, Colombo 3. Sími:  2 93 99 og 2 88 26).  Lítil flugfélög bjóða flug með litlum flugvélum og þyrlum gegn klukkutímagjaldi, t.d. 'Helitours', Sri Lanka Air Force Head-quarters, Sir Chittapalam Gardiner Mawatha, Colombo 2, sími:  3 15 84 og 3 31 84.  Upali Travels heldur uppi ferðum frá Colombo til Jaffna, Trincomalee, Anuradapura og Batticaola (Bókanir:  Upali Travels Ltd., 34 Galle Road, Galle Face, Colombo 3.  Sími 2 04 65 og 2 93 99).

Járnbrautir:  Brautakerfi ríkisjárnbrautanna (SLGR: 'Sri Lanka Government Railway') er tiltölulega vel úr garði gert.  Frá aðalbrautarstöðinni í Colombo, Colombo Fort, liggja leiðir til ýmissa stærri borga og bæja.  Allar lestir eru búnar öðru og þriðja farrými.  Fyrsta farrými er einungis búið svefnvögnum, loftkælingu eða útsýnisvögnum.  Venjulega aka hraðlestir milli Colombo og Kandy, Galle og Jaffna.  Helzt þarf að panta farrými með a.m.k. tíu daga fyrir-vara.

Rútur:  Áætlunarbílar aka vítt og breitt umlandið, bæði á vegum ríkisfyrir-tækisins 'Central Transport Board' (CTB) og ýmissa einkafyrirtækja.  Fargjöld eru mjög hagstæð en farartækin eru oft troðfull.  Nánari upplýsingar fást í Umferðarmiðstöðinni í Pettah í Colombo.  Áætlunarbílar aka reglulega á milli Katunayakeflugvallar og miðbæjarins í Colombo.

Leigubílar með gjaldmælum eru í borgum landsins.  Bezt er að ganga úr skugga um, að bílstjórarnir skilji, hvert skal halda, og að þeir hafi stillt gjaldmælana á 0.  Gott er að hafa nóg af smápeningum í vasanum.  Þegar bíll er leigður til lengri ferða út á land er gjaldið oft reiknað eftir kílómetrum eða tímafjölda.

Bílaleigur:  Vinstri umferð !  Svo sem fyrr er nefnt, þarf sérstök ökuskírteini til að fá leigðan bíl og aka sjálfur.  Til að fá það, verður að framvísa alþjóðlegu ökuskírteini og borga gjald.  Vegakerfið er að vísu ágætlega úr garði gert og með bundnu slitlagi að mestu, en sums staðar eru vondir vegir.  Á monsúntímanum verða alltaf flóð einhvers staðar.

Aðalbílaleigurnar eru:  Avis (11 A York Street, Colombo, sími:  2 98 88; 62 Colombo Road, Katunayake, sími: 0 30 35 48), Hertz (bókanir hjá Quickshaws Ltd., 3 Kalinga Place, Colombo 5, sími:  58 31 33-5; Katunayake-flugvelli, sími:  0 30 20 54).

Skipulagðar skoðunarferðir:  Mörg fyrirtæki bjóða reglulegar bæjarferðir í Colombo og öðrum stærri borgum auk lengri ferða til allra skoðunarverðra staða landsins.  Bezt er að kynna sér, hvað er á boðstólnum hverju sinni hjá hinum ýmsu ferðaskrifstofum.  Grey Line of Colombo er ábyrgur aðili í þessari þjónustugrein og Ceylon Tours Ltd annast þjónustu fyrir hann (67 Parsons Road, Colombo 2, símar:  3 34 04, 3 20 12, 3 39 63 og 2 17 22).