Cairns Ástralía,
Flag of Australia


CAIRNS
ÁSTRALÍA
.

.

Utanríkisrnt.

Booking.com

Cairns er borg á norðausturströnd fylkisins Queenland við Þrenningarflóa, u.þ.b. 1800 km norðan Brisbane.  Hún er meðal þeirra borga landsins, sem stækka hraðast.  Auk þess að vera miðstöð framleiðslu mjólkurvöru, timburs og sykurs er borgin mikill ferðamannastaður, því að hún liggur vel við ferðalögum inn í óbyggðir York-skagans.  Þjóðgarðarnir Wet Tropics of Queensland og Stóra kóralrifið, báðir á verndunarskrá UNESCO, eru innan seilingar frá borginni og sjóstangaveiði er mjög vinsæl.  Umhverfis borgina eru skógi vaxin fjöll og vatnsorkuverið Barron River Gorge er í grenndinni.  Árið 1984 var opnaður millilandavöllur við borgina.  Brezki sæfarinn og landkönnuðurinn James Cook nefndi Þrenningarflóa fyrsta sunnudag eftir hvítasunnu 1770.  Evrópumenn settust að á Cairn-svæðinu 1876 og komu upp hafnaraðstöðu fyrir gullsvæðið við Hodkinson-ána (100 km inni í landi).  Bygðin var nefnd eftir William Wellington Cairns, sem var landstjóri í Queensland um miðjan áttunda áratug 19. aldar.  Árið 1885 fékk Cairns kaupstaðarréttindi og borgarréttindi 1923.  Áætlaður íbúafjöldi 1991 var í kringum 65 þúsund.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM