Þessi einangraði og afskekkti landshluti, sem er einnig kallaður Ambeno, er hluti af Austur-Timor en landfræðilega hluti Vestur-Timor.  Eyðileggingin þar var næstum algjör í stríðinu 1999.  Íbúarnir dreifðust vítt og breitt um héraðið, þegar þeir flýðu í dauðans ofboði, og var komið fyrir í búðum hjálparstofnana.  Oecussi (Pantemakassar) var fyrsta varanlega byggð Portúgala á Timor og er sögulega mikilvægur hluti Austur-Timor.  Bærinn er á á ströndinni neðan hæðanna innar í landinu.  Fyrir ströndinni er kóralrif, sem er eftirsóttur köfunarstaður.  Virkið Fatusuba er á hæð 1½ km sunnan bæjarins.  Það slapp óskemmt úr átökunum 1999.  Útsýnið þaðan er óborganlegt, einkum um sólarlag.  Þar er líka Helgi- og trúarhátíðastaður innfæddra.  Lifau, upprunaleg byggð Portúgala, er 5 km vestan bæjarins.  Þar er afbragðsbaðströnd og minnismerki um fyrstu komu Portúgala.