Werfen er gamall markaðsbær í Salzburg Land í 524 m hæð.  Hann er í Salzachdal við aðalveginn milli Salzburg og Austur-Tíról, Großglockner eða Kärnten.  Frá Werfen er farið í skoðunarferðir í stórkostlega íshella Tennenfjalla norðaustan bæjarins.  Norðan og ofan Werfen er kastalinn Hohenwerfen (680 m), sem byrjað var að byggja árið 1077, en var oft styrktur og tók á sig núverandi mynd á 16. öld.  Hann brann árið 1931 og var endurbyggður.  þar er nú farfuglaheimili og skóli fyrir þjóðvegalögregluna (vopnuð; Gendarmerie).  Íshellarnir eru opnir frá maí til oktober.  Þeir mynduðust á tertíer af völdum neðanjarðarár.  Þeir fundust 1879 og voru fyrst opnaðir almenningi 1912.  Búið er að rannsaka 45 km.  Til skoðunar þeirra þarf hlý föt og góða skó.  Skoðun tekur 2 klst. en öll ferðin til og frá Werfen 5 klst.