Bahamaeyjar Abacoeyjar,

Booking.com


ABACO EYJAR
BAHAMAEYJAR

.

.

Utanríkisrnt.

Þessum eyjaklasa tilheyra eftirtaldar eyjar:  Great Abaco, Little Abaco, Elbow Cay, Great Guana Cay, Walker's Cay, Treasure Cay, Green Trutle Cay, Gorda Cay, Man O'War Cay og Pelican Cays.

Flatarmál þeirra er samtals 1.680 km² og íbúafjöldi u.þ.b. 7.000.
Abacoeyjar eru í norðaustanverðu eyjaríkinu.  Hafið umhverfis þær er talið meðal beztu hafsvæða til siglinga seglbáta.  Þar eru mjög góðar smábátahafnir, s.s. í Marsh Harbour og Hope Town.

Kjarni þessa eyjaklasa er hin skeifulaga eyja Great Abaco.  Fyrir austurstönd hennar eru klettar og smáeyjar, sem teygja sig til Walker's Cay, nyrztu Bahamaeyjunnar.  Miðhluti vesturstrandarinnar hefur veðrast í margar smáeyjar og kletta.

Áætlunarflug er á milli Nassau og Marsh Harbour og Treasure Cay.  Einnig er leiguflug frá Miami til sömu eyja.
Skipaferðir eru frá Nassau og Freeport oft í viku til allra stærri bæja á Abacoeyjum.

SAGAN   Enskir bændur settust að á Abacoeyjum á 18. öld að loknu frelsisstríði Bandaríkjamanna.  Þetta endurspeglast enn þá í yfirbragði byggðarinnar, siðum og venjum.  Hefðbundnum atvinnugreinum, bátasmíði og fiskveiðum, er minna sinnt nú, þar sem ferðaþjónustan hefur rutt sér til rúms á síðustu árum.  Samtímis hefur aukin akuryrkja, ræktun grænmetis og sykurreyrs auk timburútflutnings til pappírsgerðar skotið styrkari stoðum undir efnahagslífið.

Skoðunaverðir staðir
Marsh Harbour
er aðalbær Abacoeyja (5000 íb.).  Hann er á hnénu á Great Abaco og þriðji stærsti bær á Bahamaeyjum.  Hann er mjög líflegur og við hann er flugvöllur og stór bátahöfn.  Á veturna er mikið flutt út af tómötum og agúrkum frá MH.  Í útjaðri bæjarins er Cottman's Castle, heimili hins þekkta læknis og rithöfundar.

*Pelican Cays þjóðgarðurinn (900 ha) er sunnan Marsh Harbour.  Hann er á aragrúa smáeyja og klettum í hafinu, sem er mjög ríkt af lífi.  Nokkrir köfunarskólanna í þjóðgarðinum bjóða upp á köfunarleiðangra um þennan dýrðarheim neðansjávar.

*Eight Mile Bay er u.þ.b. 25 km sunnan Marsh Harbour.  Þessi flói, sem er kunnastur fyrir fagra baðströnd, liggur rétt norðaustan mjög fallegt þorp, Cherokee Sound.

Sandy Point er á suðvesturenda eyjarinnar.  Hann er vaxinn pálmum og þar er lítill flugvöllur.

Gorda Cay liggur norðvestan eyjarinnar.  Þetta er lítil eyja, sem kafarar og veiðimenn sækja til.

Cross Harbour, Hole in the Wall.  Þorpið Cross Harbour stendur við samnefndan flóa austan Sandy Point.  Á syðsta odda eyjarinnar, sem nefndur er Hole in the Wall, er viti.  Lengra til suðvesturs, u.þ.b. 30m undir yfirborði sjávar, eru margir hellar, sem kafarar heimsækja gjarnan.

Man-O'War-Cay er norðan Marsh Harbour, gömul miðstöð bátasmíði á Abocaeyjum.  Þar í grenndinni er flak bandaríska herskipsins Adirondack, sem Norðurríkjamenn notuðu í borgarastyrjöldinni.

Great Guana Cay er löng strönd nokkru norðar.  Þekkt fyrir fegurð og góða köfunarmöguleika.

*Treasure Cay.  Frá MH er haldið til norðvesturs um Wild Boar Country (Villisvínaland) til að komast þangað. Þar er lúxusorlofssvæði með smábátahöfn, baðströnd, golfvelli fyrir stórkeppnir og flugvelli.

Green Turtle Cay er enn norðar og er aðeins nokkurra km löng eyja.  Þar eru engir vegir og landslagið er hólótt.  Þar bökuðu sig skjaldbökur í sólinni fyrrum.

New Plymouth er fallegur lítill, enskur bær.  Í Albert Lowe's safninu eru verðmætar minjar og falleg skipslíkön.

Cooper's Town er 65 km nv MH.  Fallegur bær og upphafsstaður margra skoðunarferða, s.s. til litlu, fallegu bæjanna Fox Town og Crown Haven á Little Abaco.  Umhverfis hana er fjöldinn allur af klettum og smáeyjum, sem sjóstangaveiðimenn nota sem mið, líkt og Spanish Cay og Pensacola Cays á norðurströndinni.

*Walker's Cay er nyrzt Bahamaeyja og einstakur staður fyrir sjóstangaveiði.  Þar eru lúxusgististaðir.  Sunnan WC eru eyjarnar Grand Cays.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM