Flatarmál 285 km² og íbúafjöldi 800.  Áætlunarflug frá Nassau um George Town (Long Island) eða  Crooked Island til Mayaguana.  Leiguflug frá ýmsum stöðum á Flórída og öðrum Bahamaeyjum.  Ferðir á sjó frá Nassau um Acklins, Crooked Island og Long Cay til Abraham's Bay á Mayaguana.

Eyjar liggur 500 km suðaustan Nassau.  Hún er austust Bahamaeyjanna og ein hinna fáu, sem haldið hefur nafni því, sem indíánarnir gáfu henni.  Hún er skógi vaxin og vel til ræktunar fallin en var ónumin allt fram til 1912 en þá fór fólk frá nærliggjandi Turkeyjum að setjast þar að.  Ferðaþjónusta er ekki enn þá komin í gang, þótt nokkuð sé um, að snekkjur leiti þangað.  Þar eru frábærar strendur og góð fiskimið.  Höfuðstaður eyjarinnar er Abraham's Bay á suðurströndinni.  Á vesturströndinni eru þorpin Pirate's Well og Betsy Bay, þaðan sem er góð útsýn yfir sundið á milli Mayaguana og Acklins.  Flugvöllurinn tilheyrir bandarískri herstöð.