Samkvæmt manntali árið 1990, bjuggu tæplega 3,7 miljónir
manna í fylkinu, 34,8% fjölgun frá 1980. Arizona var þriðja
í röð fylkjanna í mannfjölgun á eftir Nevada og Alaska.
Árið 1990 bjuggu u.þ.b. 12 manna á hverjum ferkílómetra.
Hvítir 80,8% og negrar 3% auk 203 þúsund indíána (5,6%).
Aðalflokkar indíána voru navajo og hopi. Aðeins Kalifornía
og Oklahóma státuðu af fleiri indíánum. Fólk af spænskum
rótum taldi 10,6%.
Menntun og menning. Menntakerfi fylkisins nær til þess
alls. Spænskir trúboðar stofnuðu fyrstu skólana á 17. öld.
Fyrstu ríkisskólarnir hófu starfsemi eftir 1864 (Prescott).
Seint á níunda áratugi síðustu aldar voru 1026 grunnskólar í
fylkinu með 607.600 nemendum. Í einkaskólum stunduðu 35.500
nemendur nám.
Ríkisháskólinn var stofnaður 1885 í Tempe. Seint á níunda
áratugi síðustu aldar voru háskólarnir orðnir 37 og
stúdentar u.þ.b. 252.600 á ári. Auk ríkisháskólanna spruttu
upp háskólar eins og Northern Arizona-háskóli (1899) í
Flagstaff, Arizonaháskóli í Tucson og Navajo Community
háskólinn í Tsaile, hinn fyrsti í BNA á verndarsvæði indíána.
Mörg fremstu safna fylkisins eru í Tucson og Fönix. Þar eru
Sögufélag Arizona, Listasafn Tucson, Háskólalistasafn
Arizona, Þjóðminjasafnið, Arizona-Sonora eyðimerkursafnið
(Tucson), Arizona steinasafnið, Listasafn Fönix, Heard-safnið
(Fönix) og Pueblo Grande-safnið (Fönix). Eftirtalin söfn
eru sérstaklega áhugaverð: Navajosafnið í Window Rock,
Mohave-lista- og sögusafnið í Kingman og
Kolorado-indíanasafnið í Parker.
Íþróttir og afþreying. Fjöll, útivistarsvæði, ár og vötn
eru upplögð til gönguferða, tjaldferða, dýraveiða,
stangveiða, bátsferða, sunds, skíðaiðkunar, reiðferða o.þ.h.
Einhver vinsælustu útivistarsvæði fylkisins eru í Glen
Canyon og við manngerða lónið Lake Mead. |