Dover, höfuðborg Delaware, er markaðsmiðstöð landbúnaðarsvæðanna umhverfis hana.  Þar er selt mikið magn af ávöxtum og grænmeti auk unninna matvæla, pappírsvöru, málningu og fatnaði.  State House er setur fylkisstjórnarinnar (1777).  Í skjalasafni þess er fjöldi gamalla skjala til sýnis, m.a. afsal James, hertoga af York, síðar James II konungs, til William Penn fyrir Delaware.  Í Dover er Delaware-ríkisháskólinn (1891) og Wesley-háskólinn (1873).  Svíar settust að á núverandi borgarstæði árið 1631, þar sem Palaeo- og Delaware-indíánar bjuggu.  William Penn lét gera teikningar að dómshúsi og fangelsi í borginni árið 1717 og nefndi hana Dover eftir samnefndri borg í Englandi.  Árið 1777 tók Dover við höfuðborgarhlutverkinu af  New Castle.  Áætlaður íbúafjöldi Dover árið 1990 var tæplega 28 þúsund.