Í Fort Lauderdale og nágrenni er að finna hátt í 300 skemmtigarða og skipulögð útivistarsvæði.

Hér gæla dimmbláar öldur Atlantshafsins við skjannhvíta fjöru. Óteljandi fjöldi veitingastaða og skemmtistaða tryggir síðan að fjörið sem hefst í skemmtigörðum að morgni getur staðið fram á nótt.

En burtséð frá næturlífi og lystisemdum veitingastaðanna þá er margt eftirminnilegt að skoða í Fort Lauderdale. Það er vel þess virði að gefa sér dagstund í Butterfly World, stórkostlegu safni lifandi fiðrilda. Þá er það hrífandi upplifun að fara í skoðunarsiglingu um Fort Lauderdale með Jungle Queen eða Paddlewheel Queen.