Akstur:  Alþjóðaökuskírteini og áritun í vegabréf í eitt ár (merki lands þess, sem bíllinn kemur frá).  Alþjóðatryggingarskírteini (grænt) gildir ekki.  Kaupa þarf sérstaka skammtímatryggingu í BNA, Liability Insurance'(ca $90.-), Collision Insurance (ca $ 135.- - 270.-).  Bezt er að kaupa tryggingu hjá AIV, 70 Pine street, New York, útibú í mörgum borgum.

Tollur.  Bannað að flytja inn kjöt án vottorðs, grænmeti, ávexti o.fl. fæðutegundir.

Rafmagn:  110-115 v.  Stilla raftæki.  Fá millistykki.

UMGENGNISVENJUR OG SIÐIR

Kveðjur eru óformlegri en í Evrópu og gagnkvæm fjarlægð meiri.  Handaband aðeins notað við formleg tækifæri, s.s. milli vina og kunningja.  Konu er ekki heilsað með handabandi.

Ekki er rætt um starf, laun og eignir eða annað persónulegt.  Ávarpað með fornafni án tillits til titla eða aldurs.

Við heimsóknir koma gestir alltaf með smágjöf.

Matast er með annarri hendi, en útlendingar þurfa ekki að hlíta þeirri reglu.

Hrósi er svarað með Thanks, en daginn eftir er svarað skriflega (tilbúin kort).

Til er félagið Americans at home, sem býður gestum í margra tíma heimsókn á heimili.

Klúbbar eru mikilvægir í samskipta- og samkomusiðum (einkum sérhópar).

Reykingar eru bannaðar á opinberum stöðum eða takmarkaðar við ákveðna staði.  Bannað að reykja í flugvélum.

Víðast er loftkæling, þannig að sumum finnst of kalt.  Þá verður að haga klæðaburði í samræmi við það.

Klósett eru kölluð Washroom, Lavatory, Lounge, Restroom, Comfort station, Ladies room, Powder room o.fl. nöfnum.  Öllum er velkomið að nota klósett á hótelum, benzínstöðvum og stórverzlunum, þótt fólk sé hvorki gestir né viðskiptavinir.

Skóburstun.  Ekki skilja skó eftir fyrir framan herbergisdyr hótela.  Þá hverfa þeir alveg.  Nota vélar í hótelum eða skóburstara á götum úti.

Læknisþjónusta er dýr og verður að greiða í reiðufé, ferðatékkum eða með viðurkenndum krítarkortum.  Því er gott að vera með gilda sjúkratryggingu til að fá endurgreiðslu.  Meðul fást í apótekum, en aðeins gegn lyfseðli frá innlendum lækni (drugstore).  Því er gott að vera með nægar birgðir af nauðsynlegum lyfjum að heiman.