|
Samkvæmt manntalinu 1990 voru íbúarnir 5.544.159 og
hafði fjölgað um 1% næstliðinn áratug. Meðalfjöldi íbúa á hvern
ferkílómetra var 59. Hvítir 90,6%, negrar 7,8% auk 12.453 indíána,
7.371 kínverja, 7.095 indverja, 5.475 Kóreumanna, 4.754 Filipseyinga
og 4.715 Japana. Fólk af spænskum uppruna var u.þ.b. 100.000.
Menntun og menning. Stjórnarskráin frá 1816 gerði ráð fyrir
ríkisreknu skólakerfi en skólar voru ekki byggðir fyrr en á sjötta
áratugnum. Í lok níunda áratugar 20. aldar voru grunnskólar 1.923 með
954.100 nemendur auk 95.800 í einkaskólum.
Fyrsta æðri menntastofnunin var Prestaskóli Indiana (1820), sem er nú
Indiana-háskóli í Bloomington. Í kringum 1990 voru æðri
menntastofnanir 78 með 275.800 stúdenta. Aðrir kunnir skólar eru:
Notre Dame-háskóli í Notre Dame, Ríkisháskóli Indiana (1865) í Terre
Haute, Purdue-hálskóli í Vestur-Lafayette, Evansville-háskóli (1854) í
Evansville og Butler-háskóli í Indianapolis.
Indiana státar af mörgum sérhæfðum söfnum eins og Conner Prairie-landnemasafnið
og byggðin í Noblesville (endurbyggt þorp frá fyrri hluta 19. aldar),
Barnasafnið í Indianapolis, fæðingarstaður ljóðskáldsins James
Whitcomb Riley í Greenfield, skrifstofa Lew Wallace hershöfðingja og
rithöfundar í Crawfordsville, Listasafn Fort Wayne, Þjóðminjasafnið og
Listasafn Indianapolis, Listasafn Indiana-háskóla í Bloominton og
Lista- og vísindasafn Evansville.
Áhugaverðir staðir. Þjóð- og almenningsgarðar (Brown County, Indiana
Dunes, McCormick’s Creek og Spring Hill) eru vinsælir ferðamannastaðir.
Fjöldi sögustaða eru heiðraðir til minningar um landnema, merkisfólk
og frumbyggjana. Æskuheimili Abrahams Lincoln nærri Lincoln City
hýsir muni og endurbyggðan bæ, sem fjölskylda Lincolns bjó í 1816-30.
Íþróttir og afþreying. Þjóð- og almenningsgarðar, skógar, stöðuvötn,
ár og lækir gefa kost á margs konar íþróttum og afþreyingu (stangveiði,
siglingar, gönguferðir, útilegur, útreiðar, dýraveiðar og skíðaferðir).
Indiana-hraðbrautin er notuð, þegar heimskunn kappaksturskeppni,
Indianapolis 500, fer fram. |
