South Bend er borg í Indiana, miðstöð mennta-, fjár- og heilbrigðismála.  Borgarbúar framleiða flugvélar, bílahluti, málma, kúlulegur og raftæki.  Þarna starfar synfóníuhljómsveit og Indiana-háskóli (1940).  Notre Dame-háskólinn og St Mary’s-háskólinn (1844 eru í nágrannabænum Notre Dame.  Árið 1681 samdi Robert Cavelier, sieur de La Salle, við miami- og illinois-fólkið, sem bjó á borgarstæðinu, um uppbyggingu byggðar hvítra manna.  Hún þróaðist síðar umhverfis skinnaverzlunarstað, sem komst á laggirnar 1823.  Íbúafjöldinn 1980 var 109.727 og áætlaður fjöldi árið 1990 var 105.500.