Sequoia þjóðgarðurinn er í Snjófjöllum (Sierra Nevada) í miðju Kaliforníufylki, stofnaður 1890.  Þar vaxa risafurur.  Ein hinna mikilfenglegustu er kölluð Tré Shermans hershöfðingja, líklega stærsta tré heims, 84 m hátt og mest 11 m í þvermál.  Mörg önnur gömul tré sömu tegundar vaxa í garðinum og þar er hæsti tindur BNA utan Alaska, Mount Whitney (4417m).  Meðal annarra stórkostlegra náttúrufyrirbæra er Kern-gljúfrið og Kristalhellir (marmari).  Stór hluti garðsins, einkum hin hærri svæði, er víðerni, þar sem fjöldi villtra dýra hefst við.  Heildarflatarmál þjóðgarðsins er 1629 km².