Maryland er eitt Atlantshafsfylkjanna með Pennsylvaníu í norðri, Delaware í austri, Virginíu og Atlantshafið í suðvestri og vestri.  Kólumbíuhérað (DC), setur höfuðborgar BNA, Washington, er hluti þess vestantil.  Flatarmál þess er 27.383 km² og íbúafjöldinn er u.þ.b. 4,2 milljónir (23% negrar).  Potomac-áin myndar vesturlandamærin að mestu og Chesapeake-flói gengur langt inni austurhlutann.

Maryland varð 7. fylki BNA hinn 28. apríl 1788 (eitt 13 stofnfylkja).  Fylkið var þekkt fyrir ræktun tóbaks á nýlendutímanum og mikla iðnvæðingu seint á 19. öld.  Nú byggist efnahagurinn að mestu á þjónustugeiranum, einkum hinum opinbera.  Stærsta borgin, Baltimore, er mikilvæg hafnarborg.  Kjúklingaframleiðsla er mikil í suðausturhlutanum.  Fylkið var nefnt eftir Henriettu Maríu, drottningu Karls I Englandskonungs.  Það er líka kallað Gamla línufylkið eða Frjálsa fylkið.  Aðrar helztu borgir þess eru Annapolis (höfuðborgin), Rockville, Fredericks, Gaithersburg og Bowie.