Springfield er iðnaðarborg í Massachusetts-fylki (vélbúnaður, málmar, pappír, gúmmí- og plastvörur, fatnaður, matvæli, skotvopn, leikföng og leikir og prentað mál).  Meðal áhugaverðra staða eru Frægðarhöll körfuknattleiksins, Grace baptistakirkjan og Hampden héraðsdómshúsið.  Meðal menntastofnana eru Springfield-háskóli (1885), Ameríski alþjóðaháskólinn (1885) og Háskóli Vestur-Nýja-Englands (1919).  William Pynchon stofnaði til byggðar þarna ári 1636 og fjórum árum síðar fékk bærinn núverandi nafn erftir samnefndri borg í Englandi.  Þarna var byggt vopnabúr 1777.  Í uppreisn sinni árin 1786-87 gerðu bændur árangurslausa tilraun til að ráðast á það og vopnast vel.  Stórt vopnabúr var starfrækt þarna til ársins 1966.  Hinir svokölluðu Springfield- (1903) og Garand-rifflar (1937) voru þróaðir í Springfield.  Áætlaður íbúafjöldi árið 1990 var 157 þúsund.