Flint er iðnaðarborg með samsetningarverksmiðjum bifreiða í suðausturhluta Michigan-fylkis.  Þar er Michigan-háskóli (1956) og General Motors-stofnunin (1919).  Hvítir landnemar fóru að setjast að á þessum slóðum árið 1819 og sögunarmyllurnar, sem voru byggðar, sáu fyrir efniviði í hestvagna.  Bílasamsetningin hófst, þegar William C. Durant stofnaði General Motors fyrirtækið í Flint árið 1908.  Árin 1936 og 1937 skipulögðu verkamenn í bílaiðnaðnum verkföll, sem leiddu til viðurkenningar aðalframleiðendanna á tilverurétti Sameiðaða verkalýðsfélagi starfsmanna í bílaiðnaði í BNA.  Þessar aðgerðir verkalýðsins, sem voru með hinum mikilvægustu á öldinni, höfðu áhrif á afkomu þúsunda verkamanna í Detroit og öðrum borgum.  Borgin er nefnd eftir ánni Flint en indíánar, sem bjuggu á svæðinu, kölluðu hana Pawanunling (Tinnuána).  Áætlaður íbúafjöldi árið 1990 var tæplega 141 þúsund.