Reno er vinsæl ferðamannaborg
með fjölda stórra spilavíta og dagsferðamöguleika til margra
fagurra svæða og afþreyingarstaða í nágrenninu. Reno er þekkt fyrir fljótlega hjónaskilnaði vegna frjálslegra
fylkislaga á því sviði. Borgin
er miðstöð vörudreifingar og iðnaðar í kvikfjár- og námuhéraði
(byggingarefni, rafeindatæki, málm- og timburvörur).
Borgin er setur Nevada-Reno-háskóla (1874), Listasafns Nevada
og Bílasafn William F. Harrah-stofnunarinnar. Svæðið, sem Reno stendur á, var fyrst byggt í kringum 1858 og hét
þá Lake’s Crossing. Eftir
að Cornstock-silfurnáman fannst skömmu fyrir 1860 fjölgaði íbúunum.
Árið 1868 lauk lagningu járnbrautar til bæjarins og hann fékk
nafnið Reno eftir hershöfðingjanum Jesse Lee Reno, sem barðist í þrælastríðinu.
Á tuttugustu öldinni þróaðist bærinn í ferðamannaborg.
Áætlaður íbúafjöldi árið 1190 var 134 þúsund. |