Fyrstu
skráðar heimildir fjalla um uppgötvun verðmætra málma í jörðu
og vinnslu þeirra fyrstu 20 árin eftir uppgötvun Comstock-silfuræðarinnar
árið 1859. Árin
1880-1900 var lítið um námugröft og fólki fækkaði í Nevada.
Eftir aldamótin 1900 hófst nýtt blómaskeið námugraftar, þegar
silfur og gull fannst við Tonopah og Goldfield og farið var að vinna
kopar við Ely. Milli heimsstyrjaldanna var hnignunarskeið á þessu sviði
en þriðja blómaskeiðið var á stríðsárunum í s.hst. Eftir
s.hst. hófst blómaskeið ferðaþjónustunnar.
Fyrrum
var Nevada hluti svæðið, sem hét Nýja-Mexíkó.
Spánverjar gerðu tilkall til þess til ársins 1821 en Mexíkóar
til 1848. Fyrstu hvítu
mennirnir, sem lögðu leið sína inn á þetta hættusvæði fjalla og
eyðimarka, voru Norður-Ameríkanar, Jedediah Smith 1826 og Peter Skene
Ogden 1826 eða 1829. Joseph
R. Walker var líka meðal frumherjanna.
John Charles Frémont-leiðangurinn 1843-1845 kveikti mikinn áhuga
á þessu landsvæði. Meðal
þeirra, sem ferðuðust með Frémont var Kit Carson.
Árið
1848 létu Mexíkóar Bandaríkjunum eftir stórt landsvæði.
Mestur hluti þess varð að fylkinu Utah.
Fyrsta byggð hvítra manna í Nevada þróaðist í vesturhluta
Carsondals 1849. Mormónar
frá Salt Lake City byggðu þar sumarverzlunarstað með innflytjendum
og gullleitarmönnum, sem voru á leið til Kaliforníu.
Fyrsta fasta byggðin komst á í Mormon Station árið 1851.
Fundur
gulls og silfurs 1859 olli miklu aðstreymi fólks í leit að auðævum
í Washoe-dal. Virginia
City varð að líflegri borg með rúmlega 30.000 íbúa (á 8. áratugnum
u.þ.b. 750.000). Comstock-náman
aflaði eigendum u.þ.b. 900 milljónir dollara.
Bandaríkjaþing
neitaði Nevada um aðild að BNA árið 1857 en árið 1861, þegar þrælastríðið
vofði yfir,
knúði þörfin fyrir liðsauka á þingi Norðurríkjamenn til þess að
endurskoða afstöðu sína. Lögin
um aðild Nevada voru samþykkt 1863.
Stjórnarskrá fylkisins, sem var kosið um, var felld.
Þingið samþykkti aðildina aftur 1864 og ný stjórnarskrá
hlaut náð fyrir augum kjósenda.
Hún var öll sím-send til Washington til að þingið gæti samþykkt
13. breytingartillöguna og þar með tryggt samþykki hennar.
Sú sending kostaði US$ 3.416.77.
Aðstæðna við aðild Nevada er glögglega minnst í fána
fylkisins, þar sem stendur „Vígt í orrustu”.
Nýjar
bylgjur innflytjenda komu í silfur- og gullleit í Tonopah árið 1900
og til Goldfieldsfjalls árið 1903.
Mesta gullframleiðsla í Goldfield var 11 milljónir dollara árið
1910 og silfurframleiðsla í Tonopah var 9,5 milljónir dollara 1913.
Árið
1931 samþykkti fylkisstjórnin styttingu skilnaðartíma hjóna úr þremur
mánuðum í sex vikur. Reno
varð miðstöð skilnaða og hjónavígslna.
Sama ár var fjárhættuspil leyft með lögum.
Skattar af slíkri starfsemi eru veigamikil tekjulind fyrir fylkið.
Árið
1951 hófust tilraunir með kjarnorkuvopn í grennd við Las Vegas
(Bombing and Gunnery Range). Eftir
1961 fóru tilraunirnar fram neðanjarðar og árið 1968 var
vetnissprengja sprengd á 1158m dýpi.
Samtímis hóf NASA þar rannsóknir á notkun kjarnorku til
orkuframleiðslu. Mörg
bandarísk og erlend fyrirtæki sáu og sjá sér hag í að setjast að
í Nevada.
Nokkur
merk ártöl:
1830
leiddi William
Wolfskill kaupmenn yfir Nevada til Kaliforníu eftir Spænsku leiðinni.
1833
fór leiðangur
Josephs Walkers upp með Humboldtánni í leit að nýjum skinnamarkaði.
1841
fóru landnemar eftir
Humboldtleiðinni til Kaliforníu.
1843-45 kannaði
John C. Frémont Nevada. Skýrslur
hans vöktu áhuga á þessu svæði.
1848
stækkaði Nevada
um land, sem Mexíkó lét BNA eftir í Guadalupe-Hidalgosamningnum.
1849
skipulögðu mormónar
í Salt Lake City fylkið Deseret, sem náði yfir Nevada. H.S. Beatie
mormónabæinn (Mormon Station) í Carsondalnum.
1850
varð Utahfylki
til, en það náði yfir mestan hluta Nevada.
Nýja Mexíkófylkið var líka til og teygði sig inni í suðurhluta
Nevada.
1851
byggði
John Reese verzlunarstað í Carsondal.
Póstþjónusta milli Sacramento og Salt Lake City hófst.
1857
hvatti Brigham Young
mormóna í Nevada til að verja Salt Lake City.
Bandaríkjaþing hafði hótað árás alríkishersins.
1859
var fylkisstjórn
sett á laggirnar í Genoa og Isaac Roop varð fylkisstjóri. Comstockæðin var uppgötvuð (siflur og gull).
Virginia City spratt upp og næstu 20 árin var mikið grafi
1860
börðust
landnemar við indíána í grennd við Pyramid Lake.
Churchill-virkið var byggt.
Póstferðir á hestum milli Missouri og Kaliforníu um Nevada hófust,
en þeim var hætt 1861, þegar lokið var lagningu símalínu þvert
yfir meginlandið.
1861
var Nevada viðurkennt
sem sérstakt landsvæði með höfuðborginni Carson City og landstjóranum
James Warren Nye.
1862
létu indíánar í
austurhlutanum ófriðlega. Ruby-virkið
byggt.
1864 varð
Nevada 36. ríki BNA hinn 31. okt..
Sama höfuðborg. Landstjóri
Henry G. Blasdel. Byggingu
þinghúss var lokið 1871. Byggt
var við það árið 1915.
1865
var
innleitt skólakerfi í öllu fylkinu.
Sutro-göngin við Comstock-æðina voru byggð á árunum
1865-1878.
1868
náði
Mið-Kyrrahafsbrautin til Reno og tengdist Union-Kyrrahafsbrautinni í
Utah, þannig að hún náði stranda á milli 1869.
1870-93
hóf myntslátta Bandaríkjanna
starfsemi í Carson City.
1874 var
Nevadaháskóli stofnaður í Elko.
Hann var fluttur til Elko 1886.
1900
fundust silfurnámur í
Tonopah og koparnámurnar í Ely voru nýttar.
1903
fannst gull í
Goldfield. Lestarferðir hófust
milli Salt Lake City og Los Angeles um Nevada hófust.
1907
var fyrsta áveitan
tekin í notkun (Newlands; Truckee-Carson).
1914
olli fyrri heimsstyrjöldinn
mikilli framleiðsluaukningu í námuiðnaði.
Konur fengu kosningarétt með stjórnarskrárbreytingu.
1930
hófst vinna við
Hoover-stífluna í Colorado-ánni.
Boulder-City byggð fyrir verkamennina (hófst 1931).
Stíflan fullgerð 19836 og Mead-vatnið varð til.
1931 var
sex vikna lögskilnaður og fjárhættuspil leyft með lögum.
Reno og Las Vegas blómstruðu.
1938 var
lokið byggingu Rye Patch-stíflunnar í Humboldtánni.
1941 var
hafið magnesíumnám í grennd við Las Vegas.
1949 lauk
byggingu Davisstíflunnar í Coloradoánni.
1951
hófust tilraunir með
kjarnorkuvopn. Þeim var hætt
1958.
1954
annst olía í Járnbrautardal
(Railroad Valley).
1961 var
takmörkuðum tilraunum með kjarnorkuvopn haldið áfram neðanjarðar.
1965 samþykkti
þing BNA áætlun um áveitur í S.-Nevada frá Mead-vatni.
1973
fékk nálastunguaðferðin
viðurkenningu sem lækningameðferð.
1987
varð Yucca Mountain
fyrsta viðurkennda stöðin til að eyða kjarnorkuúrgangi.
1988 tók
hæstiréttur BNA fyrir mál, sem varðaði sjúkdóma af völdum
tilrauna með kjarnorkuvopn í Nevada á árunum 1951-1962. |