Nýja_Hampshire er eitt hinna svonefndu Nýja-Englandsfylkja með Quebec-hérað (Kanada) í norðri, Maine og Atlatnshafið í austri, Massachusetts í suðri og Vermont í vestri.  Connecticutáin myndar næstum alla landamæralínuna í vestri og Hallsáin hluta af norðvesturmörkunum.

Flatarmál þess er 24.087 km² (44. í röðinni hvað stærð snertir).  Íbúafjöldi tæplega 1 milljón 1997 (0,4% negrar).

Nýja-Hampshire varð níunda fylki BNA 21. júní 1788 (meðal 13 stofnfylkja).  Aðalstoðir efnahagsins eru iðnaður og þjónusta, þ.m.t. ferðaþjónusa.  Nafn fylkisins er frá Englandi (Hampskíri).  Franklin Pierce, fyrrum forseti BNA, fæddist í fylkinu.  Það er einnig þekkt undir nafninu Granítfylkið.  Aðalborgirnar eru Concord (höfuðborgin), Manchester, Nashua, Rochester, og Porthsmouth.