Wilmington er aðalborgin í New Hanover-sýslu í Norður-Karólíun.  Hún er hafnarborg fyrir hafskip við Cape Fear-ána, skammt frá ósum hennar við Atlantshafið.  Byggð hófst á þessu svæði í kringum 1732 og borgarréttindi fengust árið 1866.  Wilmington er aðalhafnarborg fylkisins og miðstöð mikill a flutnigna og dreifingar og ferðamannastaður.  Iðnaðurinn framleiðir m.a. vefnaðarvörur, fatnað, tækjabúnað fyrir kjarnorkuver og ljósleiðara.  Þarna er einnig kvikmyndaver.  Meðal áhugaverðra staða eru Burgwin-Wright-húsið, sem var höfuðstöðvar brezka hershöfðingjans Charles Cornwallis (1781) í frelsisstríðinu, og herskipið USS North Carolina, sem þjónaði í síðari heimsstyrjöldinni og liggur nú við festar á Cape Fear-ánni.  Nafnið fékk borgin frá brezka embættismanninum, Spencer Compton, jarli af Wilmington.  Í borgarastríðinu var höfnin mikilvæg Suðurríkjamönnum og var opin til ársins 1865.  áætlaður íbúafjöldi 1990 var tæplega 56 þúsund.