Toledo er mikil flutningamiðstöð í Ohio með miklum hafnarmannvirkjum.  Hún er velstaðsett við siglingaleiðirnar um Vötnin miklu og St Lawrence-skipaleiðina.  Um hana fer gríðarlegt magn af korni, bílahlutum, járngrýti og stáli.  Borgarbúar framleiða m.a. málmvörur, jeppa, tæki, vélbúnað, bílahluta, efnavöru, vefnaðarvöru, plastvöru og gler síðan 1888.  Borgin er endastöð mikilla olíu- og gasleiðslna og þar eru olíuhreinsunarstöðvar.  Borgin er setur Toledo-háskóla (1872) og Læknaháskóla borgarinnar (1964).  Listasöfn, Heilbrigðismálasafnið og Náttúrugripasafið eru heimsókna virði.

Frakka komu sér upp verzlunarstað í grennd núverandi borgarstæðis árið 1680 og byggðu virki borgarmegin árið 1700.  Varanlegt landnám hófst eftir stríðið 1812.  Árið 1833 höfðu tvö þorp þróasts á þessum slóðum, Port Lawrence og Vistula.  Þau voru síðan sameinuð og látin heita sama nafni og spænska borgin, e.t.v. vegna vinsælda verka Washingon Irving, sem bjó á Spáni um þær mundir.  Lagning járnbrautanna 1836 og opnun tveggja skipaskurða á fimmta áratugnum hleyptu lífi í borgina.  Eftir opnun St Lawrence-skipaleiðarinnar árið 1959 fékk Toledo hlutverk mikilvægrar inn- og útflutningshafnar.  Áætlaður íbúafjöldi 1990 var 333 þúsund.