Nashville eða Nashville-Davidson er höfuðborg Tennessee.  Allt frá 1963 hafa borgin og Davidson-sýsla verið undir sömu stjórn.  Borgin er setur fylkisstjórnarinnar og er miðstöð viðskipta, menntunar, ferðaþjónustu, sveitatónlistar og iðnaðar (vélknúin farartæki, búnaður til geimferða, prentað efni, matvæli, fatnaður og skór).  Starfsemi fjármála- og tryggingar- og flutningafyrirtækja er einnig mikilvæg fyrir efnahag borgarinnar.  Meðal áhugaverðra staða í og umhverfis borgina eru þinghúsið (1855), landstjórahúsið í georgískum stíl, Belle Meade-herragarðurinn (1853) og Nashborough-virkið (eftirmynd af upprunalegu byggðinni).  Sveitasögnvahöllin og Ryman tónlistarhúsið eru víðfrægir staðir.  Ryman-tónlistarhúsið er vettvangur Gran Ole Ophry-tónlistarhátíðanna.  Borgin er setur Belmont-háskóla (1951), David Lipscomb-háskóla (1891), Fisk-háskóla (1867), Guðfræðiskóla frjálshuga baptista (1942), Meharry-læknaháskans (1876) og Fylkisháskólans (1912) .

Nashville-svæðið var veiðilendur Cherokee-, Chickasaw- og Shawnee-indíánanna.  Franskir skinnaveiðimenn komu þar upp verzlunarstað árið 1710 (French Lick).  Árið 1779 byggði hópur landnema, aðallega frá Norður-Karólínu, virkið Nashborough, sem var nefnd eftir frelsisstríðshershöfðingjanum Francis Nash.  Árið 1784 var bærinn skírðu Nashville.  Hann var endastöð Natchez Trace, helztu samgönguleiðarinnar á landi, og var orðinn líflegur hafnarbær snemma á 19. öld.  Flutningarnir á ánni byggðust aðallega á baðmull.  Árið 1843 var Nashville gerð að varanlegri höfuðborg Tennessee og eftir 1850 hófst frægðarferill hennar á tónlistarsviðinu vegna sveitartónlistarinnar, sem hefur verið iðkuð þar síðan.  Eftir þrælastríðið jukust viðskiptin og á þriðja áratugi 20. aldar var sveitartónlistin orðin heimsfræg.  Grand Ole Opry-úrvarpssendingarnar hafa verið í gangi síðan 1925.  Iðnvæðingin jókst, þegar Rafveita Tennessee (Tennessee Valley Authority) byggði stíflur og virkjanir og seldi ódýra raforku til iðnaðar.  Áætlaður íbúafjöldi 1990 var tæplega 511 þúsund.