Olympic þjóðgarðurinn í vesturhluta Washington-fylkis var stofnaður 1938.  Heildarflatarmál hans er 3,734 ferkílómetrar og hann nær yfir mestan hluta Ólympíufjalla, þar sem eru heillegustu leifar upprunalegs skóglendis í norðvesturhluta BNA.  Aðskilinn hluti hans nær yfir 90 km langa og klettótta Kyrrahafsströndina.  Ólympusfjall (2424m) er hæsti tindur samnefnds fjallgarðs með sex jökulskellum í hlíðum en alls finnast 60 smájöklar í þjóðgarðinum.  Meðalársúrkoma á þessu svæði er með því, sem mest gerist í BNA.  Í vesturdölunum, þar sem úrkoman er u.þ.b. 3600 mm ári, eru regnskógarnir með risa sitga-greni, þéttur botngróður og þykkt mosalag.  Þegar komið er í 450-900 m yfir sjó ber mikið á Doglas-furu, óðjurt, sedrusviði, greni og furu.  Ofar tekur við graslendi.  Dýralíf í garðinum nær til dádýra (Roosevelt elk), svartdindils-dádýra, fjallaljóna, svartbjarna og otra.  Við ströndina er fjöldi sela, sæljóna og fuglategunda.  Upprunalega var stofnaður þjóðgarður um Ólympusfjallið árið 1909.