Íbúafjöldi
Myanma er u.þ.b. 36.milljónir. 75%
íbúanna eru Búrmanar, sem eru af mongólskum stofni og tala tíbezk-búrmönsku
(einsatkvæðisorð). Stærsta
minnihlutahóp íbúanna (9%), Shan, er að finna á hásléttunum í
austurhluta landsins. Þetta
fólk er af tælenzkum stofni og stendur Búrmönum að baki, hvað
menningu snertir, þótt það eigi sínar eigin bókmenntir.
Karenfólkið (7%) býr í suðurhlutanum milli Irawadi og Saluën.
Það er af tíbezk-búrmönskum stofni og er andatrúar.
Kachinfólkið (1%) er það líka.
Allir þessir ættbálkar eiga sér sjálfstæð ríki innan búrmanska
ríkjasambandsins.
Padaung-fólkið
er af Karenstofni. Konur þessa
ættbálks lengja hálsa sína með hringjaskrauti úr messing.
Hálsar þeirra verða svo langir, að stundum eru þær nefndar
gíraffakonurnar. Mon-fólkið
var eitt sinn voldugt og bjó við blómstrandi menningu, sem sést í
fegurstu minnismerkjum landsins. Nú
er það einungis 2% landsmanna. Chin-fólkið
telur líka 2% en Indverjar og Kínverjar eru færri.
Allt fram á okkar daga hefur samkomulag milli þessara
mismunandi ættbálka verið eldfimt og við og við blossa upp blóðug
átök út af stjórnmálum.
U.þ.b.
85% íbúanna eru búddatrúar (Therawada).
Þessi trúarbrögð eru mjög mikilvæg fyrir félagslegt og stjórnmálalegt
„jafnvægi” í landinu.
Fjöldi pagóda, oft gullskreyttra, er gífurlegur í landinu.
Þetta eru mjóar spírur, sem eru heiðursskríni (Hti), oftast
heil í gegn án herbergja. Frægustu
pagódurnar laða til sín pílagríma úr öllum heimshornum.
Fjöldi klaustra er gífurlegur og þar býr aragrúi munka, sem
hafa annazt menntun þjóðarinnar fram á okkar tíma.
Trú landsmanna krefst þess að hver einstaklingur eyði einu ári
ævinnar í klaustri en margir koma sér hjá þessari skyldu og dvelja
aðeins nokkra daga þar í táknrænu skyni.
Kristin trú og íslam eru fámenn trúarbrögð í landinu.
Hinir ýmsu ættbálkar fjallafólks eru einkum andatrúar. |