Antofagasta Síle,
Flag of Chile

.
ANTOFAGASTA
SÍLE
.

.

Utanríkisrnt.

Booking.com

Antofagasta er höfuðborg samnefnds héraðs í norðurhluta landsins og hafnarborg við Moreno-flóa.  Borgin var bólivísk til 1879 og er á stöllunum við rætur lítt gróinna og þurrviðrasamra strandfjallanna.  Borgin óx snemma vegna saltpétursvinnslu, sem hófst 1866 og silfurfunda í Caracoles 1870.  Aðalhlutverk borgarbúa var að þjóna námunum og flytja út kopar og brennistein.  Auk málmbræðslna og olíuhreinsunarstöðvar, námuvinnslu og framleiðslu brennisteinssýru eru verskmiðjur, sem framleiða matvæli og drykkjarvörur og fiskimjöl.  Þarna er einnig skipasmíðastöð fyrir togara.  Antofagasta er stærsta borgin í Norður-Síle.  Þar er Norðurháskólinn (1956).

Pan-American-hraðbrautin liggur einnig um borgina og járnbrautir til námanna og Oruro í Bólivíu og Salta í Argentínu.  Skammt utan borgarinnar er millilandaflugvöllur.

Árið 2002 bjuggu þar tæplega 320 þúsund manns á svæði stórborgarinnar.  Nafn borgarinnar er dregið af saltpétursnámum.

Antofagasta var stofnuð á árunum 1866-74 sem hafnarborg fyrir nýfundnar silfurnámur í grenndinni.  Upprunalegt nafn hennar var Peñas Blancas (Hvítgrjót).  Hún var hluti strandhéraðs Bólivíu til 14. febrúar 1879, þegar síleskar hersveitir lögðu hana undir sig.  Þessi herför far upphaf Kyrrahafsstríðsins.  Ríkisstjórnir Bólivíu hafa gert ítrekaðar tilraunir til að ná yfirráðum í borginni á ný.

Borgin er löng og mjó, sunnan Mejillones-skaga og norðan Cerro Coloso, 1130 km norðan Santiago.  Austan hennar eru bratter hlíðar Cordillera dea la Costa og í vestri er Kyrrahafið.  Hún er í Atacama-eyðimörkinni, sem er meðal þurrustu staða í heimi.  Úrkoma þar er tæplega 4 mm á ári.

Mejillones er lítil hafnarborg 65 km norðar, á norðanverðum, samnefndum skaga.  Hornitos-ströndin, sem laðar til sín erlenda og innlenda ferðamenn, er 90 km norðan Antofagasta.  Topopilla er hafnarborg 188 km norðan hennar.  Calama er næststærsta borg héraðsins, 213 km norðvestan hennar.  La Negra er meðalstór iðnaðarborg u.þ.b. 10 km suðaustan Antofagasta, við „Pan-amerísku” hraðbrautina.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM