Esbjerg er hafnarborg við Norðursjó á Suðvestur-Jótlandi í Ribehéraði rétt norðan þýzku landamæranna.  Esbjerg er talsverður fiskibær og miðstöð útflutnings landbúnaðarafurða (kjöt og mjólkurvörur), einkum bragðmikilla osta, sem eru framleiddir í nágrenni borgarinnar.  Esbjerghöfn er hin stærsta á vesturströndinni.  Hún var byggð á árunum 1868-74.  Í síðari heimsstyrjöldinni gerðu bandamenn loftárásir á borgina.  Áætlaður íbúafjöldi árið 1988 var 82 þúsund.