Blackpool er í Norðvestur-Englandi í 5 m hæð yfir sjó með 150.000 íbúa.  Blackpool er mesti ferðamannastaður í NV-Englandi og straumurinn eykst þangað.  Margir Bretar fara þangað í sumarleyfum sínum.  Hægt er að hýsa u.þ.b. hálfa milljón gesta í einu.  Óteljandi tækifæri til afþreyingar:  Asnaútreiðar, golf, dýragarðar, fjölleikahús, danshallir, leikhús, kvikmyndahús, sundlaugar, bátsferðir, sædýrasafnið í Blackpoolturninum (158 m) og fleira.  Á haustin er strandgatan skrautlýst.  Danskeppnir, tónlistahátíðir og landbúnaðarsýningar (á sumrin).  Íslenzk danspör hafa verið sigursæl í danskeppnunum þar.  Verkalýðsfélög halda ráðstefnur í Blackpool.