Heardeyja og McDonaldeyjar í Suður-Indlandshafi sunnan heimskautsbaugs eru ástralskt yfirráðasvæði.  Þessar eldfjallaeyjar eru u.þ.b. 4000 km suðvestan Perth.  Heard-eyja er 43 km löng og 21 km breið og rís upp í 2745 m úr hafinu (Mawsontindur á Big Ben-fjalli).  Mestur hluti yfirborðs eyjarinnar er þakinn snjó og ís.  Brezkir selveiðimenn fundu eyjuna árið 1833 og skírðu hana í höfuðið á bandarískum sæfara, John J. Heard, skipstjóra.  Á síðari hluta 19. aldar nýttu veiðimenn sér gnægð sækúa og mörgæsa á eyjunni.  Ástralar tóku við yfirráðum eyjarinnar frá Bretum 1947 og þar dvelja hópar vísindamanna um tíma af og til.  McDonaldeyjar eru klasi klettahólma vestan Heardeyjar.