Port Louis Máritíus,


PORT LOUIS
MÁRITÍUS

.

.

Utanríkisrnt.

Booking.com

Port Louis er höfuð- og aðalhafnarborg Máritíus í Vestur-Indlandshafi.  Höfnin er mjög skjólgóð innan rifjanna úti fyrir og milli skjólgóðra fjalla.  Frakkar stofnuðu borgina árið 1736 á siglingaleiðinni fyrir Góðrarvonarhöfða milli Asíu og Evrópu.  Í Napóleonsstríðunum 1800-15, hernámu Bretar landið til að tryggja sér hernaðarlega mikilvæga stöðu í Indlandshafi.

Malaríufaraldur 1866-68 og opnun Súezskurðarins 1869 ollu æ dræmari skipakomum til landsins.  Á árunum 1967-75, þegar Súezskurðurinn var lokaður, jókst umferð um höfnina í Port Louis og hún var færð til nútímahorfs á áttunda áratugnum.  Um hana fer allur inn- og útflutningur landsmanna og er tengd öðrum hlutum eyjarinnar með vegakerfi.  Yfir borginni gnæfir gamalt virki frá 1838 á hæð í miðri borginni.  Lítið eitt austan hafnarinnar er skeiðvöllur.  Enskar og rómversk-katólskar kirkjur eru í borginni.  Þar er einnig Náttúrugripasafn, Listasafn og nokkur bókasöfn, menntastofnanir, útgáfufyrirtæki og rannsóknarstofnanir.  Máritíusháskóli (1965) og rannsóknarstofnun sykuriðnaðarins (1953) eru við Réduit, rétt sunnan hafnarinnar.  Borgin er lítið eitt stærri en Reykjavík

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM