Iráklion er stærsta borg Krítar á miðhluta norðurstrandarinnar.  Hún er mikilvægasta hafnarborgin og þar situr stjórn eyjarinnar.  Fyrrum var hún hafnarborg Knossos en hnignaði á rómverskum tíma þar til sarazenar endurlífguðu hana undir nafninu Chandak eftir 824.  Feneyingar gerðu hana að höfuðborg eyjarinnar eftir 1538 og létu byggingarmeistarann Michele Sammicheli reisa risastóra, 5 km langa borgarmúra umhverfis hana.  Eftir að eyjan varð grísk eftir 1913 fékk hún nafnið Herakleion (nýgríska: Iráklion) eftir nærliggjandi fornhöfn.

Meðal áhugaverðustu staða borgarinnar er **Fornminjasafnið (Kretikon Museion; Eleftheriastorg).  Þar eru minjar frá Knossos, Phästos, Agia Triáda og fleiri stöðum á eyjunni.  Bezt er að fá sér bækling á staðnum, sem gefur greinargott yfirlit yfir safnið til að missa ekki af því að sjá merkustu gripina.